مبدأياً ال IGCSE في النظام البريطاني فيها ٣ مستويات

المستوي الأول : المستوي العادي O Level

وهو اختصار Ordinary Level

والطالب بيدرسه في سنتين

‏year 10 (IG 1)

‏year 11 (IG 2)

والمرحلة دي الطالب بيدرس فيها 8 مواد  (النظام المصرى والجامعات المصرية)  او 6 حسب الدولة والنظام الجامعى  و لو هيقسمهم يبقي بعضها بيمتحنه في year 10 والباقي في year 11 أو علي حسب توزيعه للمواد

لكن لو مش هيقسمهم يبقي الإمتحان النهائي للمستوي دا في year 11

المستوي الثاني : AS Level وهو اختصار

‏Advanced Subsidiary level

ودا أعلي شوية وأصعب والطالب بيدرسه ويمتحنه في year 12 أو خلال باقي السيشنز

المستوي الثالث : المستوي المتقدم A Level

وهو اختصار Advanced Level

و دا أعلي مستوي لأي مادة

وعبارة عن ‏( AS+A2  لنفس المادة ) وهي مواد التخصص للجامعة )

والطالب في المستوي دا عنده اختيارين

أول اختيار : انه ياخد AL على بعضه فى سيشن واحد ويمتحنه على بعضه لكن بيكون صعب

تاني اختيار : انه يقسم AL ل AS و A2 لنفس المادة ودا بيكون أقل صعوبة

و AS هو المستوي الأقل للمادة

و A2 هو المستوي الأعلي للمادة

فلازم يمتحنهم بترتيبهم AS وبعدين A2

وأعلى grade فى AS بيكون A

وأعلى grade فى AL بيكون A*

واختيار المواد في ال ٣ مستويات بيكون علي أساس الجامعة ال الطالب عايزاها سواء كانت عملية أو نظرية ، وفي مواد اساسية لازم الطالب يدرسها ، وفي مواد اختيارية بيكمل بها عدد المواد علي حسب ميوله